ترحيب: أهلاً و مرحباً بزوارنا الكرام و نرجو أن ينال موقعنا إعجابكم ( طبيات دوت كوم )
السبت، 12 يوليو 2014
9:58 ص

معلومات مهمة عن الدورة الشهرية و الحمل

معلومات مهمة جداً عن الدورة الشهرية بتدور في أذهان أغلب البنات و لكن لا تعرف إجابة لها
هانعرف الأسئلة مع بعض و نجاوب عليها .
menstrual cycle
معلومات مهمة عن الدورة الشهرية

1-  هل يوجد مشكلة إذا اتأخرت الدورة الشهرية  لمدة شهر مثلاً  ؟
لا مفيش مشاكل في دة و إن الدورة غير منتظمة فدي حاجة عادية و مفيش فيها أي قلق  لإن دة بيكون نتيجة لضغوط نفسية و الزيادة أو النقص الكبير في الوزن و ممارسة التمارين الرياضية و التعب و الارهاق و تغيير مكان المعيشة بالنسبة للبنت دة كلة بيعمل علي تأخر الدورة الشهرية ، و تأخر نزول الدورة الشهرية دة من أعراض حدوث الحمل و الفترة الطبيعية بين الدورة و الآخري هي من 21 يوم إلي 35 يوم و لكن إذا زاد التأخر عن شهر فيرجي اللجوء للطبيب .
regular menstrual cycle
الدورة الشهرية المنتظمة

2- هل معني إن نزل دم فدة معناه إن مفيش حمل ؟
لا طبعاً دة مش شرط ، لإن بعض النساء بيحصل نزول دم في فترة الحمل الأول و بيكون معاه شعور بتعب و غثيان ، المفروض بقي تلاحظي نزول الدم هل مستمر عادي كأي دورة سابقة فدة معناة إنها دورة عادية و مفيش حمل لكن إذا لاحظتي غير ذلك يبقي اعملي اختبار حمل منزلي و تابعي مع الطبيب .
 
pregnancy test
حدوث الحمل عند انقطاع الدورة الشهرية
3- حاسة إن كمية الدم كبيرة فإيه هي النسبة الطبيعية ؟
المتوسط اللي بتفقدة النساء خلال الدورة الشهرية حوالي من 4 إلي 12 ملعقة صغيرة فإذا استخدمتي في اليوم أكثر من 10 فوط صحية يبقي عليكي بالذهاب إلي الطبيب .

4- كم يوم تستمر الدورة الشهرية الطبيعية ؟
أغلب النساء بتستمر معاهم الدورة الشهرية من 3 إلي 5 أيام ، و نسبة صغيرة منهم بتستمر معاهم من يومين إلي 7 أيام و دة برضة طبيعي و مفيش داعي للقلق منة ، لكن لو زادت عن 7 أيام فيرجعي الذهاب للطبيب .
menstrual cycle pain
آلام الدورة الشهرية 
 
menstrual cycle pain
آلام الدورة الشهرية
5- إزاي اتخلص من الآلم المصاحب للدورة الشهرية ؟
يمكنك استخدام المسكنات لإنها هاتخفف آلام الدورة الشهرية بطريقة كبيرة زي الباراسيتامول أو الإيبوبروفين ( يفضل استخدام أقراص بسكوبان
Buscopan  ) ، فالآلام بتكون نتيجة لانقباض عضلات الرحم و ممكن تستخدمي مشروبات دافئة و حمام ماء دافي أو قطعة قماش مبللة بماء دافئ علي منطقة الآلم .
 
menstrual cycle pain
وضع ماء دافئ علي منطقة الآلم
Buscopan IBS Relief
Buscopan مسكن لآلام الدورة الشهرية

6- إيه أنواع الطعام الكويسة في فترة الدورة الشهرية ؟
بالإضافة إلي الإحساس بالآلم أثناء الدورة الشهرية فبيكون برضة إحساس بالانتفاخ و علشان كدة لازم نمشي علي نظام غذائي يعتمد علي الأليف زي الخضار و الفاكهه و المفروض بقي نبعد عن الملح الزائد في الأكل و نبعد كمان عن المشروبات اللي فيها كافيين زي القهوة و النسكافية و نبعد كمان عن الشيكولاتة ( طبعاً دي صعبة بالنسبة لبنات كتير
J ) و بما إن فيه خسارة لسوائل الجسم و الدم خلال الدورة الشهرية فلازم نعوض دة بمكملات غذائية و شرب السوائل و بالإضافة لفيتامين (هـ ) و الكالسيوم و الماغنسيوم ، و يفضل إنك تأكلي وجبات بسيطة و خفيفة و متنوعة خلال اليوم و تبعدي عن الأكلات الدسمة و المقلية ، و فيه أكلات ليها تأثير حلو خلال فترة الدورة الشهرية زي السالمون و المكسرات .



جديد : الأن يمكنك التحرك بسلاسة بين المواضيع السابقة واللاحقة عبر (الكيبورد) بالضغط على الزر الأيمن والأيسر

1 التعليقات: